បាត់ដំបង៖ អគ្គស្នងការសមាគមកាយឫទ្ធិនារីកម្ពុជា លោកជំទាវបណ្ឌិត ពេជ ចន្ទមុន្នី បានអញ្ជើញជាវាគ្មិនកិត្តិយសក្នុងកម្មវិធី «បងស្រី និងប្អូនស្រី» ដោយបានផ្តល់អនុសាសន៍៤ចំនុច ដើម្បីអាចក្លាយជា «យុវជនល្អ ទំពាំងល្អ»។

ក្នុងឱកាសនោះ លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត បានផ្តល់អនុសាសន៍ថា ដើម្បីក្លាយជា យុវជនល្អ ជាទំពាំងល្អ ទី១ ត្រូវមាន ការសិក្សា ដើម្បីជាធនធានសម្រាប់ជាតិ។ ទី២ ត្រូវមាន សុខភាពល្អ ល្អទាំងផ្លូវកាយ និងផ្លូវចិត្ត។ ទី៣ ត្រូវមាន សីលធម៌ សុជីវធម៌ គុណធម៌ រួមទាំងមេត្តាធម៌ និងទី៤ ត្រូវមាន ការតបស្នងទៅសង្គម ដោយចូលរួម បម្រើសង្គម។ យើងទទួលពីសង្គម យើងក៏តប ស្នងទៅសង្គមវិញ។

គួរឱ្យដឹងដែរថា សមាគមកាយឫទ្ធិនារីកម្ពុជាបានរៀបចំកម្មវិធី «បងស្រី និងប្អូនស្រី» ដោយមានការអញ្ជើញចូលរួមពីវាគ្មិនកិត្តិយសលោកជំទាវបណ្ឌិត ពេជ ចន្ទមុន្នី ហ៊ុនម៉ាណែត និងមានសមាជិកា គណៈកម្មាធិកាប្រតិបត្តិ សមាជិកគាំទ្រ សាខាបាត់ដំបង រួមទាំង សិស្សនិងនិស្សិតចូលរួមប្រមាណជាង ៦០០ នាក់ នាថ្ងៃទី១៨ ខែកុម្ភ: ឆ្នាំ២០២៤ នៅសាលប្រជុំបាត់ដំបងស៊ីធីហល ស្ថិតក្នុងក្រុងបាត់ដំបង ខេត្តបាត់ដំបង៕